2025 թվականի հունիսի 12-ին Գերմանիայի Էրլանգեն քաղաքում տեղի ունեցավ հանդիպում «Արմփաուեր» ՓԲԸ-ի և «Սիմենս Էներջի» ընկերության ղեկավար թիմերի միջև։ Երկու կողմերի ներկայացուցիչները վերահաստատեցին իրենց ամուր գործընկերությունը՝ քննարկելով այն քայլերը, որոնք նպատակ ունեն բարելավել Հայաստանի ժամանակակից համակցված ցիկլով էլեկտրակայանի արտադրողականությունը, հուսալիությունը և կայուն զարգացումը։
Հանդիպման ընթացքում առանձնահատուկ ուշադրություն դարձվեց այս տարվա սկզբին ավարտված պլանային սպասարկման աշխատանքների հաջող կատարմանը, որոնք իրականացվել էին անվտանգ և սահմանված ժամկետներում։ Երկու թիմերն էլ բարձր գնահատեցին համագործակցության սերտ մակարդակը և մասնագիտական համակարգվածությունը, որոնք ապահովեցին Հայաստանի էներգահամակարգի անխափան գործունեությունը։
«Արմփաուեր»-ի և «Սիմենս Էներջի»-ի ղեկավարներն անդրադարձան նաև առաջիկա նախագծերին, որոնք ուղղված են էլ ավելի բարձրացնելու կայանի արդյունավետությունն ու հուսալիությունը։ Դրանք ներառում են գործառնական գործընթացների օպտիմալացում, հիմնական համակարգերի արդիականացում և պատրաստվածություն Հայաստանի աճող էներգետիկ պահանջներին։
Երկու ընկերություններն էլ հաստատեցին երկարաժամկետ համագործակցության և շարունակական կատարելագործման իրենց ընդհանուր հանձնառությունը։ Գործընկերությունը շարունակում է առանցքային դեր ունենալ Հայաստանի էներգետիկ անկախության ամրապնդման և երկրի ողջ տարածքում կայուն ու բնապահպանական առումով պատասխանատու էլեկտրաէներգիայի մատակարարման գործում։
«Այս համագործակցությունը հիանալի օրինակ է, թե ինչպես կարող են համատեղ ջանքերն ու նորարարական մոտեցումները ապահովել հուսալի և կայուն էներգիա Հայաստանի համար», — նշել է Պաոլո Պափֆումին, «Արմփաուեր»-ի գլխավոր գործադիր տնօրենը։«Միասին՝ Սիմենս Էներջիի հետ, մենք ապահովում ենք, որ մեր կայանը գործի անվտանգության, արդյունավետության և արտադրողականության ամենաբարձր չափանիշներով»